طريقة عمل مافن الموز 2024 , وصفة سهلة لمافن الموز

طريقة عمل مافن الموز 2024 , وصفة سهلة لمافن الموز

طريقة عمل مافن الموز 2024 , وصفة سهلة لمافن الموز

هاى يا جماعة منورين منتدى حب البنات

معانا النهارده صنف حلو لذيذ وسهل

مافن الموز



المقادير:
2 كوب موز مقطع لقطع صغيرة
3 كوب دقيق
كوب ساور كريم (كريمة حامضة)
½ ملعقة صغيرة بيكينج صودا
ملعقة كبيرة بيكينج بودر
¾ ملعقة صغيرة ملح
½ كوب زبدة مجمدة
2 ملعقة كبيرة زيت
½ كوب لبن
كوب سكر
2 بيضة


الطريقة:

1- اخلطي السكر والزبدة مع بعض كويس، وبعدين ضيفي عليها البيض والزيت واستمري بالخلط، وبعد كده ضيفي عليهم الساور كريم واللبن واخلطيهم مع بعض كويس لحد ما الخليط يتجانس.



ملحوظة: ممكن تضيفي عليهم بشر ليمونة.

2- قلبي الدقيق والبيكينج بودر والبيكينج صودا والملح مع بعض كويس، وبعدين ضيفيهم للخليط السابق على مرحلتين، وبعد كده ضيفي عليهم الموز وامزجيهم كلهم مع بعض كويس.



3- ابدأي صبي العجينة في القوالب ودخليهم فرن درجة حرارته 190 درجة مئوية لمدة 30 دقيقة، وقدميهم.. وبالهنا والشفا.


ملحوظة: ممكن تستبدلي الموز بأي نوع فاكهة عاوزاه وممكن كمان تضيفي عليها السوداني.​

 

رد: طريقة عمل مافن الموز 2024 , وصفة سهلة لمافن الموز

انا بشتريه جااهز
هجرب اعملو ف البيت مشكوورة حبيبتى

 

رد: طريقة عمل مافن الموز 2024 , وصفة سهلة لمافن الموز

انا كمان بجبها من المحل على طول مش بعرف اعمل الحلويات مش بتطلع معايه حلو
بس مجهود رائع
يسلمووووووووووووووووووووووووووووووووووووو

 

رد: طريقة عمل مافن الموز 2024 , وصفة سهلة لمافن الموز



حلوه اوووى الصوره بجد تجنن .. انا اكيد هجربها

المقادير سهله وبسيطه واكيد مش هتبقا مكلفه اوى زى الجاهز

 

رد: طريقة عمل مافن الموز 2024 , وصفة سهلة لمافن الموز

فكرة حلوة تسلمى انا بحب الحاجات السريعه دى بالذات ان الموز بيبوظ منى كتير لانى مش بلاقى حاجه اعملها بيه
وحلو اوى ان ممكن نعمله بكذا حاجه