سيارة الجيب هى بالاصل سيارة امريكية صنعت للاستخدام فى الجيش الامريكي فى الحرب العالمية الثانية و قد تم تحويل البعض منها لتكون سيارة مدنية و تستخدم من قبل الشعب فتمتاز هذه السيارة بانها قوية و تتحمل الصعاب و جبارة وذات دفع رباعى. السلام عليكم ورحمة الله وبركاته يا جماعة الخير أنا لقيت جيب موديل vxr 2024 عن طريق احد معارفي بسعر مغري جداً الموتر ماهو ماشي كثير ونظيف وما جاته ظربات ، لكن البلا في الموتر أن راعيه متوفي فيه وخذ له أسبوع او اكثر إلى أن لقوه متعفن داخل الموتر.. وبعد ما اتصلت على اخو المتوفي عرفت أنهم حاولو ينهون الريحه من السيارة بكل الطرق لكن بدون فايده والحين يبون يبيعونه بحدود٥٠ ألف بس ، وانا خوفي اخذ الموتر وابلش به وياليت اللي عنده نصيحه او خلفيه عن موضوع الريحة وإذا فيه حل نهائي لها ، أتمنى يفيدني .. وأسف ع الإطالة والله يبعد عنا وعن جميع المسلمين كل مكروه 7 7 7 7 7 7 7 7 كلام الناس اللي ردوا عليه ..ونبدأ بأول رد : 1- الله يغفر له ويرحمه دخلها لتلميع وبخر السياره ممكن تروح ........................... 2- هاذي قصه قديمة كانو يقولو بي ام وصاحبها يبي يبيعها بي خسارة 60 الف وسبب رائحة الجثة والسالفة كلها شذب بشذب ................... 3- اهلا ادا تقول انهم حاولوا وما نفع معهم ما في حل الا تبديل الكراسي و التنجيد وتركيب جديد لكن انا مستصعب ان اشتري سيارة بمثل وضعها .................. 4- وش تبيبه لو يقولون بلاش ماخذته فيه حل وحيد تفتح الدرايش مع الابواب وباب الشنطه وتخلى السيارة بمكان آمن شهرين مع الشمس بعدين تدخل تلميع تروح الريحه وتغير المرتبه الي كان قاعد عليها المتوفى بمرتبه من التشليح .......................... 5- هباله هيا اش يلي واحد يتوفى في سيارته وياخذ اسبوع كمان ليش الناس فين عايشه .............................. 6- ياخي كيف تنفتح نفسك وانت تسوق سيارة واحد مات وعفن فيها ................................ 7- يا قوي قلبك !! اخذ لي موتر راعية متعفن فيه اسبوع كامل !! امشي كعابي ابرك لي .............................. 8- الموت حق وكلنا ذايقينه. ***. مير البلا من ذاق موته ولامات وراعي الموضوع اذا ماتبي الموتر عطني رقم راعيه لاهنت ........................ 9- الله يرحم امواتنا واموات المسلمين , الموت لابد منه . .............................. 10- يالك من جبناء عادي وش فيها لو مات فيه واحد ؟ وتبون تجاهدون وتذبحون الاعداء !! يا صاحب الموضوع الحل بسيط ودها محل تنجيد يقشع أي شي قماش بالسياره فوق تحت يمين يسار مراتب أي شي فيها خيط وقماش وجلد خله يقشعه بعدين اركب السياره على الحديد فقط وودها مغسلة سيارات وخله يرشها بالرشاش حق المويه بدييييزل الين تغررق من جوا وبعدين بصابو يمسحها وانتبه تقوله واحد ميت فيها لان العالم صارو جبناء الحين تقدر تصرف تقوله بسه ميته جوا السياره وانا كنت مسافر المهم بعد ما يرشها لك من جوا بديزل وصابون وغسيل صح وحاول تفك المسجل وتخليه لا يرش الاماكن الي فيها كهرباء المهم وقفها في الشمس لين تنشف صح والشبابيك مفتوحه الهواء يضرب فيها وتروح ريحة الديزل وبعدين ودها التنجيد ينجدها لك من جديد والمراتب اشتر من التشليح يمكن العمليه كلها تكلفك عشر الاف .................................... 11- الله يرحمه ويرحم أموات المسلمين غريبه أقارب المتوفي جربوا كل الطرق ولا فاد فقرروا بيعه ب 50،000 !! أتوقع المكينه والقير دامها على نظافة تسوالها فوق 50،000 ولا الريحه ماسكه بعد ! هذا غير باقي القطع بالكبوت ولا القفش من برا !! لكن سبحان الله كل شيء جايز بذالزمان
