[]السلام عليكم ورحمة الله وبركاتة اخواتي وحبيباتي في الله كل عام وانتوا بخير طبعا كلكم زهقتم من التفكير في الاكل زيي انا عملت اختراع النهردا وكنت حاطة ايدي علي قلبي لحسن ميعجبش جوزي ودة معندوش تفاهم اعمل ايه طيب بس الحمد لله ربنا ستر وعجبتة اوووي يلا بينه علي المقدير يا قمرات يلا بينا بقي علي المقادير 1/2 كيلو بطاطس مهروسة 1/2 كوب لبن 4 معالق زبدة كوب مشروم بصلة جوليان 2طماطم جوليان 2معلقة زبدة وزيت 1/2 كيلو صدور فراخ 3معالق شبت كوب حليب معلقة دقيق مكعب مرق 1/2 كوب جبنة موتزريلا ملح-فلفل- فلفل رومي او حراق حسب الرغبة هنهرس البطاطس وعليها 1/2 كوب اللبن والشبت و4 معالق الزبدةهنحط 2معلقة الزبدة والزيت ثم البصلة ونشوحها كويس هنحط الفلفل والطماطم الجوليان ثم نضيف الماشروم ثم نضع الفراخ الجوليان في نصف الطاسة لحد متاخد صدمة ثم نقلب كل الخليط مع بعضة ونتبل بملح وفلفل لنحضر اللبراي اللي هيخلي الخليط يمسك في بعضة كوب اللبن+معلقة الدقيق +مكعب المرق ثم اخفق الخليط بالمضرب السلك جيداثم انزل بخليط اللبن علي خليط الفراخ واسيبة لحد ما يثقل شوية لان معلقة الدقيق هتخلي الخليط يمسك شويةهنبطن القالب او الصانية بالزبدة ثم الدقيق هنا هنحط خليط البطاطس المهروسة بعد ما استوت الفراخ خالص هضع الكثبرة المفرومة وضعت خليط الفرخ علي البطاطس ثم اضع الجبنة الموتزريلا علي الوش وهندخلها الفرن حتي السوا وقدمتها مع طبق سلطة بسيط بس انا كدة خلصت يارب تجربوها واوعدكم هتعجبكم اووووي واهو تغيير بقي الواحد زهق من الارز والمكرومة يلا مستنية رايكم ياقمرات ومتنسوش تدعولي دعوة حلوة
رد: البطاطس المهروسه معا المشرم الله دى بجد حلوة اوى جدا انا بعشق البطاطس فى اى صورة ايا كانت ودى حلوة اوى وسهلة ووجبة متكاملة العناصر الغذائية والاهم ان الاطفال هيحبوها جدا وممكن نحط فيها اعواد خشب كده هيحبوها اوى
رد: البطاطس المهروسه معا المشرم ايييييييييييه يا بنتى الحلاوة دى بطاطس ومشروم مع بعض انتى كده مظبطانا اخر تظبيط :d لازم اجربها طبعا مفيهاش كلام والطريقة سهلة اوووووى
