طريقة عمل الكانيلونى بالفراخ , وصفه حلوة لعمل الكانيلونى طريقة عمل الكانيلونى بالفراخ , وصفه حلوة لعمل الكانيلونى كيفكم اعضاءنا الكرام ان شاء الله بخير زى ما عودناكم فى منتدى حب البنات على تقديم كل ما هو جديد ومميز اليوم راح اقدم لكم طريقة عمل الكانيلونى بالفراخ , وصفه حلوة لعمل الكانيلونى المقادير: 6 قطع كريب 2 صدور فراخ مسلوقة ومخلية ومقطعة لقطع صغيرة 2/3 كوب جبنة رومي مبشورة 2 ملعقة كبيرة جبنة موتزاريلا ملعقة صغيرة زيت زيتون 2 كوب صلصة طماطم ½ كوب جبنة بيضاء 2 ملعقة كبيرة توابل فص ثوم مفروم ملح وفلفل أسود رشة شطة مقادير الكريب: كوب دقيق ¼ ملعقة صغيرة ملح 2 ملعقة كبيرة زيت 1¼ كوب لبن 2 بيضة الطريقة: 1- لعمل الكريب: اضربي البيض والدقيق واللبن والزيت والملح مع بعض كويس بالمضرب اليدوي، وسيبيه في الثلاجة لمدة ساعة، وبعدين ادهني الطاسة بالزيت وابدأي حطي نسبة من العجينة وسويها على الناحيتين. ملحوظة: تقدري تستبدلي الكريب بعجينة اللازانيا. 2- قلّبي الفراخ والبيض والتوابل والملح والشطة وزيت الزيتون والجبنة الموتزاريلا والجبنة الرومي مع بعض كويس، وبعد كده ابدأي حطي الحشو على طرف الكريب ولفيه على شكل أسطواني وكرري الخطوة دي مع باقي الكريب. 3- افردي كوب ونصف من صلصة الطماطم في الصينية، وبعدين رصي الكانيلوني عليها، وبعد كده افردي باقي صلصة الطماطم عليها، وبعدين رشي عليها الجبنة الموتزاريلا، وبعد كده دخّلي الصينية الفرن لمدة 30 دقيقة، وبعدين طلعيها من الفرن وسيبيه على جنب يبرد لمدة 10 دقائق، وقدميه.. وبالهنا والشفا.
رد: طريقة عمل الكانيلونى بالفراخ 2024 , وصفه حلوة لعمل الكانيلونى انا بحبوا اووووووووي بس كنت بحية لحمة مفرومة وجبنة شيدر هجربوا بالفراخ اكيد تحفة
