عطري جسمك في البيت بكل سهوله؟ معظم البنات بتهتم بنفسها في كل حاجه النظافه الشخصيه والمظهر العام بس بيبقى نفسها جسمها يبقى عالطول ريحته حلوة والطريقه تنفع لكل عروسه وست متزوجه وطبعا هاتعمليها بعد الشاور بتاعك اليومي وهاتفضل معاكي من 3:4 ايام تقريبا. هاتجيبي علبه زيت جونسون للاطفال وتجيبي كمان علبه مسك ابيض مطحون او سائل على حسب ماتحبي وبعدين تجيبي علبه زيت فاضيه وتغسليها كويس خالص وتنشفيها وتحطي فيها نص زجاجه الزيت الجونسون الاطفال ونص زجاجه المسك الابيض المطحون او السائل وتخلطيهم كويس خالص وبعد الشاور وجسمك هو ومبلول تحطي عليه الخلطه دي وبعدين تنشفي جسمك بالفوطه بالطبطبه مش بعنف. وكمان في وصفه تانيه: تجيبي ماء ورد وعلبه جلسرين وزيت المسك الابيض وتخلطيهم كويس في علبه وتحطيه برده بعد الشاور بتاعك وتستني لمده 10 ثواني وبعدين تنشفي جسمك بالطبطبه وبرفق. وممكن برده تحطي قطره من العطر المفضل ليكي في حمام الشاور بتاعك"البانيو" وتقعدي لمده ربع ساعه. كده هاتحصلي على جسم ريحته حلوة لمده ايام وكمان ناعم.
