طريقة عمل اللحمة بصوص التفاح 2025 , وصفة جديده لعمل اللحم طريقة عمل اللحمة بصوص التفاح 2025 , وصفة جديده لعمل اللحم السلام عليكم اعضاء وزوار منتدى حب البنات النهارده معانا وصفة جديدة تعملو بيها اللحمة تعالو نشوف مع بعض المقادير: 6 شرائح لحمة 2 كوب عصير تفاح بدون سكر ملعقة صغيرة روزماري مفروم 2ملعقة صغيرة مستردة 3 فص ثوم مفروم ¼ كوب خل تفاح ملعقة كبيرة زيت ملعقة كبيرة زبدة ملح وفلفل أسود رشّة شطة الطريقة: 1- تبّلي شرائح اللحمة بالملح والفلفل الأسود، وبعدين اخلطي الزيت مع الزبدة في طاسة على النار، وسيبيهم لغاية ما الزبدة تسيح، وبعدين ضيفي اللحمة وشوّحيها من الناحيتين لغاية ما اللحمة تستوي، وبعد كده شيلي اللحمة من الطاسة وحطّيها على جنب. 2- حطي الثوم في الطاسة اللي حمّرتي فيها اللحمة على النار وقلّبيه لمدة 30 ثانية، وبعدين ضيفي عليه الخل وعصير التفاح والمستردة وقلّبيهم مع بعض، وسيبي الخليط على النار لحد ما الصوص يقل ويبقى قوامه كثيف. 3- ضيفي على الخليط الروزماري والشطة وقلّبيهم على نار هادية لمدة دقيقتين وممكن تزوّدي ملح لو حسّيتي إنه محتاج، وبعدين ضيفي اللحمة وسيبيها لمدة دقيقتين لكل ناحية علشان تتشرب الصوص، وقدّميها.. وبالهنا والشفا.
رد: طريقة عمل اللحمة بصوص التفاح 2025 , وصفة جديده لعمل اللحم لحمة بالتفاااح جديدة بس شكلها تحفة هجربها ويارب تظبط
رد: طريقة عمل اللحمة بصوص التفاح 2025 , وصفة جديده لعمل اللحم لحمة بالتفاح !!!!!! ودى تبقى حادق ولا حلو هههههههههههههههه بس االطريقة جديدة عاملة زيى اللى فى المطاعم وسهلة اوووى
