10 وصفات لشعرطويل وكثيف و ناعم و مفرود طبيعيا - خلطات بسيطه وجميله جدا ومجربه ومضمونه لكل حاجه عن ال

بسم الله الرحمن الرحيم
السلام عليكم ورحمه الله وبركاته

الى كل اخواتى وحبايبى الحلوين اعضاء وزوار منتدى نجوم مصريه والى كل السيدات والبنات المرة دي جاية اشارككم بعده وصفات للشعر مجربه ومضمونه واليكم اجمل واروع واسسهل الوصفات الطبيعيه لتطويل ونعومه وكثافه الشعر يارب تعجبكم



بعض النصائح الأساسية للحصول على شعر صحي و ناعم وطويل وكثيف

1* لازم نتفق الأول انه الطبيعي ما فيش أحلى منه و أضمن منه لسببين... اولهم الفرد الكيماوي بيبسطنا مدة محدودة جدا و النتيجة بتكون حلوة في الاول و مصيبة الف في الآخر... و السبب التاني لانه الوصفات الطبيعية بتعالج المشكلة من جذورها صحيح بتاخذ وقت بس مع المداومة نتيجتها أحلى من الغير الطبيعي ....

2* صحة الشعر اكيد اكيد اكيد بتبتدي من التغذية و طبيعي لو التغذية مش متوازنة كمان الشعر هيكون بيعاني و ساعات حالة الشعر بتدل على مرض لا قدر الله او نقص في فيتامينات او حديد...

3* الوصفات الطبيعية منعملهاش مرة و نقول ماجابتش نتيجة لا طبعا انا بقولها لكم لازم المداومة عشان تضمني نتيجة مرضية...


4* كمان بالنسبة للعرايس الاهتمام بالشعر ولا حتى البشرة مش بيبقى اسبوع او اسبوعين قبل الفرح لازم تبتدي قبلها بكثير اوى...


اول وصفة

فوائدها :

*بتطول الشعر
*بتنعم الشعر
*بتوقف التساقط و بتقوي الشعر جدا

المكونات

*كمية من الثوم - كمية من الحلبة - كمية من الخزامى - كباية و نص زيت زيتون..

الطريقة:

هنحتاج الكمية من الثوم نقشرهــــــــا و نقطعها قطع صغيرة وبعدين نضيف عليها حوالي 3 معالق كبار حلبة بعدين نضيف عليها الخزامى ( اللافندر ) كمان 3 معالق كبار و نضيف عليه كباية و نص كبار زيت زيتون و نحطه في حمام ماريا لحد ما يغلى الغليط..وبعدين نشيله نسيبه يبرد و نحط الخليط فى ازازة و نسيبه لمدة 24 ساعة و ممكن يومين..و بعدين ناخذ ازازة فاضية و نصفي الزيت ده و نحطها فيه وبعد كده بتغسلي شعرك بساعتين الى تلات ساعات و اللي مش متجوزة ممكن تذهن بيه شعرها بالليل و تغسله في الصبح .. ممكن كمان تاخذي صفار بيضة و تضيفي معلقتين من الزيت ده و تحطيه كماسك لشعرك ساعتين قبل الاستحمام...

فوائده : الحلبة و الخزامى بيطوله الشعر و بيزيلوا هيشان الشعر و بينعموه... نفس الشيء بالنسبة للثوم بتطول الشعر و بتوقف تساقطه و بتقويه و زيت الزيتون اكيد كلنا عارفين فوايده...


*********************

نيجي للوصفة التانية :

المكونات

قشر موزتين - كباية زيت عافية او *زيت المائدة اللي بالذرة- 100 جرام من الزبدة

الطريقة :

ناخذ القشر نحطه في اناء و نضيف عليه الزيت و نحطه فوق النار لحد ما يغلى و قشور الموز تبقى لونها اسود.. نشيله من على النار و نعصر القشور دي كويس و نضيف الزبدة لما يبقى دافئ نحطه على الشعر زي الفرد و و نغطي راسنا ببلاستيك و نسيبه 3 ساعات و نغسل شعرنا..

الوصفة دي نتيجتها حلوة جدا خصـــــــــوصا للشعر الجاف و الهايش و لو عملتيها اسبوعين بس ورا بعض هتحسي انك فاردة شعرك...

**************************

الوصفة التالتة

ماسك النخــــــــــاع

المكونات
هنحتاج للنخاع ( نجيبه من عند الجزار و نطلب منه يقسم لنا العظم عشان يسهل انتزاع النخاع )

و زيوت ( ممكن تستعملي أي زيوت ، زيت الزيتون ، زيت الخروع ، زيت السمسم ، زيت جنين القمح )

الطريقة :

بناخذ النخاع و نحطه في اناء و نحطه على حمام ماريا.ونستناه لما يذوب كويس و بعدين نصفيه
و نضيف عليه كمية معلقة كبيرة من خلطة زيوت او أي زيت متوفرة عندك..ونحطه على الشعر خصلة بخصلة و نغطي الشعر بغطاء من البلاستيك. و نسيبه 3 ساعات و اكثر و نغسل شعرنا كويس جدا بشامبو و استمتعي بشعر ناعم جدا...

فوائده : بيمنع تساقط الشعر و بيفرده جدا خصوصا مع المداومة مرة كل اسبوع...


*************************************

الوصفة الرابعة :

المكونات

*ازازة زيت جوز الهند
* موزة

الطريقة :

هناخذ الازازة و نحطها كده كلها ف اناء و نحطه في حمام ماريا لحد ما يذوب و نكون هارسين كويس جدا موزة كاملة و نضيف عليها زيت الجوز اللي هيكون ذايب..و نرجع الخليط كله على حمام ماريا و نحرك.. اول ما يتجانس كويس نشيله و نحطه على الشعر زي الفرد و نغطيه بكيس بلاستيك...
نسيبه 3 ساعات و نغسله...

الماسك ده بينعم الشعر و بيغذيه و بيخلي الملمس ناعم جدا...

*************************************

الوصفة الخامسة :

المكونات
2 صفار بيضة--معلقة خل تفاح- معلقة زيت زيتون- معلقة زيت جنين القمح- معلقة زيت خروع-معلقة زيت اللوز- معلقة نيسكافيه

الطريقة :

نخلط الكل و نحطه على الشعر ساعتين و اكثر ..

الوصفة دي وصفه مفضلة لانها بتغدي الشعر جدا جدا و بتطوله مع المداومة و كمان من اول مرة هيخف التساقط لو بتعاني من تساقط الشعر...


***********************

الوصفة السادسة

المكونات

5 معالق مايونيز كبار-صفار بيضة -معلقة زيت زيتون

الطريقة :

تخلطي كويس المكونات دي و تحطيها على شعرك و تسيبيها مش اقل من ساعتين

*************************

الوصفة السابعة

المكونات
علبة زبادي-كمية من العسل

الطريقة :

نخلطهم كويس و نحطهم على الشعر و نسيبهم كمان مش اقل من ساعتين

************************


الوصفة التامنة :

المكونات:-

2 صفار بيضة - 5 معالق كبار زيت خروع

الطريقة :

نخلط المقادير دي و نحطها على الشعر

بتساعد على نمو الشعر بشكل ملحوظ

****************************


الوصفة التاسعة :

المكونات

لازاز عشبة مغربية - مية او زيت

الطريقة :

ممكن نخلطها بمنقوع اللافندر ( يعني نغلي لافندر في المية و نصفيه و نعجب بيه ) او ممكن ورد يابس و ممكن نخلطه بزيت الزيتون نسيبه على الشعر لمدة 4 ساعات و اكثر و نغسله..

بينعم الشعر جدآآآآآآآآ و بيطوله كمان

***************************

الوصفة العاشره:
نيجي لوصفة بتنعم الشعر و بتديه لون احمر بس ايه راقي

المكونات

كميات متساوية من :

السالمية مطحونة -كمية من قشور الرمان مطحونين -بعدها نضيف نفس الكمية من عشبة الدباغ مطحونة طبعا ( بيسيب لون احمر خفيف )- كمية من الكركديه - كمية من العكر الفاسي الحر ( دم الغزال الاصلي ) نخلطهم كلهم في علبة و نحتفظ بيهم

طريقة الاستعمال...

تاخذي كمية كافية مع شوية حنة و تعجنيها مع زيت زيتون او مية لافندر و تسيبيها ساعة ترتاح و تتجانس المواد اللي فيها بعد كده تحطيها على شعرك لمدة 3 ساعات

الوصفة دي بتصبغ و بتغدي و تنعم الشعر في نفس الوقت ولو عايزة تحدي من تساقط الشعر اشطفي شعرك في الآخر خالص بمغلي عشبة السالمية او اكليل الجبل






​