رومانسيات حب وغرام

يعنى اسمع دعوات كتير ربنا يوعدك باللى شبهك
وأما أقابلك احس اد ايه كنت جميله بطاعة ربنا
وانك أجمل مكافأة من ربنا ليا

♥

يعنى كنت أغض بصرى عن الحرام
عشان تكون ليك أنت بس تكون وطن وسكن
ولما عنيا جت فى عنيك فى الرؤيه الشرعيه
حسيت انى شايفه عنيا فى المراية
ماليها عفة وحياء

♥

يعنى عقلى واقف عن اى تفكير قبلك
ناسيه انى جاهدت نفسى وصبرت قبلك كتير
ناسيه سخريه الناس منى ووصفهم انى غريبه
ناسيه اى عريس رفضته لانه مش ملتزم مهما كانت مميزاته
ومش فاكرة غير انى دلوقتى زوجتك وسكنك

♥

يعنى قلبى حاسس بسعادة اول مرة يعرفها
ملهاش وصف اقدر اقوله
غير ان ربنا اسجاب دعائى انك تكون قرة عينى
وقد كان

♥

يعنى أما قعدت معاك وسمعت احلامك فى الدنيا
وقف على لسانى الكلام
لأنى شفت فى كلامك كل أحلامى بتحقق
شفت زوج صالح هيعيننى على الطاعه ويقربنى من ربنا أكتر
شفت أب لأجمل ذرية ربنا يعز بيها الدين

♥

يعنى أما صليت استخارة
بعدها حسيت براحه كبيرة وان ربنا ميسر موضوعنا
حسيت وقتها انك اختيار ربنا ليا
واما حسيت انك اختيار ربنا حبيبى حبيتك أكتر

♥

يعنى أما لبست دبلتك
حسيت انك خير عوض عن صبرى
قلبى رددها بصوت عالى "هل جزاء الإحسان إلا الإحسان "
يعنى أما سمعت المأذون بيدعيلنا بارك الله لكما وبارك عليكما وجمع بينكما فى خير
عرفت يعنى إيه معنى الحب الحلال
عرفت فايدة انى حافظت على قلبى ابيض ونقى مسكنش فيه حد قبلك

♥

يعنى أما لبست فستانى الأبيض
دعيت ربنا من قلبى أن يكون قلبى أبيض منه عشان يليق بيك
عشان نبنى بيت مسلم ربنا يحبه ويرضى عنه

♥

مهما قلت كلامى مش هيكفيك
زوجى العزير فيك اختصرت احلامى

♥
منقول من بيدج انا هكون يوسف وانتى هتكونى مريم ومش هنحب الا ازواجنا