طريقة الفراخ المشوية بالمنزل ، أشهى المأكولات ،وصفات 2025

طريقة الفراخ المشوية بالمنزل ، أشهى المأكولات ،وصفات 2025

المقادير





فرخه (انا كان عندى فرخه بلدى و2 سمان متبقين من مرة قبل كدة)

3بصلات

فص توم

خل

مكعب مرقه

ملح فلفل اسمر بهارات عربيه او بزار عربى(كسبرة مطحونه وهيل مطحون وقرفه مطحونه وقرنفل مطحون وبابريكا )يعنى بهارات مشكلة هى بتيجى جاهزة

1حبه طماطم

1 حبه كوسه

1حبه بطاطس

1حبة جزر

1ليمونه

الطريقة

المرحله الاولى زى ما شايفين ف الصورة









هتفرمى بصلتين مع فلفل اسمر وملح وبهارات ومعلقتين خل وتعصرى ليمونه وتغسلى الفرخه والسمان كويس اوووووووى بالخل والدقيق





تتبليهم بالخلطه دى لو مستعجله عليهم سبيهم 4 ساعات ويفضل انك تسبيهم فى التلاجه ليله كامله

وهنا تبلتهم وحطيت الخلطه فيهم من جوه ودعكت من برة وحطيت بين الجلد واللحم وحطيتهم فى علبه التلاجه



المرحلة التانية

هنقطع البطاطس والجزر والكوسه والطماطم ونرش عليهم ملح وفلفل اسمر وبهارات




ونجيب مج ارز مصرى و1حبه بصل ونفرمها ومكعب المرقة وفص توم والملح والفلفل اسمر والبهارات













هنجيب طاسة ونحط فيها البصل المفروم ومعلقتين زبده او سمنه ونقلب لغايه ما تدبل ونفرم فص التوم ونحطه وعليهم الملح والفلف اسمر وبهارات ومكعب المرقه ونقلب شوه ونضيف مج الرز المغسول ومتصفى ونقلب وبعدين نضيب مج مايه ونظبط الملح لغايه ما يتشرب المايه نقفل











المرحله الاخيرة بقى
نجيب الخضار اللى قطعناه والفرخه والسمان والرز
نحشى الفرخه والسمان من جوة بالرز وبين الجلد واللحم وندخل رجل الفرخه فى الفتحه وكده تمام ندخلها جوه كيس الشوى ونحطها معاها الخضار المقطع ونقطع الكيس بمقص من الجانب عشان البخار الزايد
انا حطيت الفرخه لوحدها والسمان لوحده فى كيس علشان ممكن يختلفوا فى وقت السوى
وما تنسيش تحشى رقبه الفرخه بتبعى عاملة زى الممبار وتقفليها بخلة









2




وتحطيها فى البوتجاز على درجه حرارة بين 180/200 هتقعد ساعه ونص ل 2ساعات وهتبقى زبده
ودى شكلها فى الفرن وهى قربت تستوى





ودى بعد ما استوت وكان باقى شويه رز حشو زودت عليه شويه مرقه وسوتهم
وقدمت معاها سلطه خضراء ومكرونه بالطماطم
ودا شكل الاكل كله واعذرونى لانه غير مرتب قولتلكم على السبب فى البدايه(رودى بنتى اللى كانت بتعيط)





وادى الرز اللى كان باقى من الحشو وعليه الخضار اللى كان مع الفرخه





ودى الصورة النهائية

​