طريقه عمل سلطه المكرونه بالجمبرى 2027 , احلى واطعم سلطه مكرونه بالجمبرى 2027 , Pasta

النهارده هنعمل مع بعض سلطة المكرونة بالجمبري ليكي ولأسرتك.







سلطة المكرونة بالجمبري
المقادير:
½ كيلو جمبري وسط
2 كوب مكرونة مسلوقة
½ ملعقة صغيرة زنجبيل مطحون
ملعقة كبيرة بقدونس مفروم
ملعقة صغيرة ثوم مفروم
ملعقة كبيرة عصير ليمون
2 ملعقة صغيرة كاتشاب
2 ملعقة صغيرة مايونيز
ملعقة صغيرة مستردة
ملعقة صغيرة زيت
ملح وفلفل أبيض
بهارات جمبري
علبة زبادي

الطريقة:
1- شوحي الثوم في الزيت على النار وضيفي عليه الجمبري وقلبيهم لحد ما الجمبري يتشوح، وبعدين ضيفي عليهم الملح والفلفل الأبيض والبهارات وعصير الليمون لمدة وقلبيهم على النار لحد ما الجمبري يستوي كويس.

2- ارفعي الجمبري من على النار وسيبيه على جنب، وبعدين امزجي الزبادي مع المايونيز والكاتشب والمستردة والزنجبيل والبقدونس مع بعض كويس.

3- ضيفي خليط الزبادي والمايونيز على المكرونة المسلوقة وقلبيهم كلهم مع بعض، وبعد كده ضيفي عليهم خليط الجمبري، وقدميها.. وبالهنا والشفا.


​

 

رد: طريقه عمل سلطه المكرونه بالجمبرى 2027 , احلى واطعم سلطه مكرونه بالجمبرى 2027 , Pa

اى حاجه فيها جمبرى
بحبها اوووى

 

رد: طريقه عمل سلطه المكرونه بالجمبرى 2027 , احلى واطعم سلطه مكرونه بالجمبرى 2027 , Pa

وصفه سهله مووت
يعطيكى العافيه