دللى بشرتك بالزيوت 2027 ، الزيوت المرطبة للجسم 2027 ، Oils for the skin and body

ازيكم يا احلى البنات اللى بتعشق الجمال والدلع فى منتدى حكاية حياة
أتمنى تكونو بخير..اليوم جبتلكم نصيحة جديدة وتدبيرة خفيفة لكن طبعا فايدتها كبيرة بزاااااف بزاااف....
السر بسيط يتمثل في المداومة على استعمال مختلف أنواع الزيوت والحمد لله لأن الوصول إليها صار سهل جدا خصوصا مع عودة المجتمعات كلها للطب البديل، وتأكد العلماء والباحثين والأطباء من أهميته ونجاعته.






نصيحتي هي خلي عندك علبة خاصة في غرفتك تحتفظي فيها بالزيوت وحتى يكون استعمالها بالنسبة ليكي سهل ويومي...
من بين أهم الزيوت التجميلية : زيت الزيتون ـ زيت الوردـ زيت اللوز الحلو وأيضا المر ـ زيت جنين القمح ـ زيت السمسم ـ زيت الخس ـ زيت البقدونس ـ زيت الحلبة ـ و غيرها بزاااف بزااااف يا أخواتي.
نجيو ضركا لطريقة الاستعمال... كل واحدة تستعمل اللي يناسبها، حسب اللزوم والحاجة.. مثال: زيت اللوز المر مليح بزاف للتجاعيد.. زيت جنين القمح مليح للهالات السوداء.. أيضا زيت الورد مفيد جدا للتجاعيد والهالات ومشاكل البشرة المختلفة.. نوعي فيهم.. ساعة استعملي زيت الورد... وخليها وقت لحتى يتشربها جلدك لكن إذا عند ك هالات فالمطلوب ساعة لزيت الورد وبعدها ساعة لزيت اللوز المر مثلا للتجاعيد.. أو زيت اللوز الحلو للحبوب.. أيضا زيت الخس والبقدونس معروفة فائدتهم في تفتيح لون البشرة ... زيت الحلبة للتسمين... وغيرهم أنواع وأنواع لأن الكلام عن كل نوع لازملو وقت وإن شاء الله نفيدكم ونشرحلكم أكثر مع كل استفسار لتعميم الفائدة .... يمكن تسألوني أنواع كثيرة وين تلقاو الوقت؟؟؟ وراح نجاوب ونقول الحمد لله على نعمة الإسلام، بعدما تتوضي وتكملي صلاتك إدهني وجهك بأحد الزيوت ... صدقوني فكرة مليحةوأنا عن نفسي هذي هي طريقتي لاستعمالها... ومرتاحة عليها بزاااف خصوصا أن الوجه حساس للتقلبات الجوية.. يعني أنا مثلا من الجزائر ومنطقتي معروفة بأنو بردها في الشتاء قارس بزاااف وصيفها حار جدااا لكن الحمد لله ما عنديش إطلاقا مشكلة جفاف أو قشور ببشرتي... قولو ماشاء الله يابنات .. وصديقاتي دايما يقارنو وجوههم وإيديهم بوجهي وإيديا .. الحمد لله..
نصيحة أخيرة لحتى تكمل الفايدة.. الزيوت يمكن تسبب دهون لصاحبات البشرة الدهنية و لازم المحافظة على تنظيفها اليومي وكل واحدة وطريقتها طبعا..
حبيباتي أنا مازلت ماحكيتش كل شيء وبالتفصيل عن استعمالات كل نوع من الزيوت، فإذن أي استفسار أناجاهزة للرد، في انتظار تكملة الموضوع على حسب الأسئلة لأنو فعلا الموضوع طويل ومتشعب.. واللي حابة تتثقف لوحدها فتقدر تعمل بحث صغير في الأنترنت عن أي زيت وهي توصل للمطلوب بإذن الله.
إلى الملتقى إن شاء الله يا حلوات... أدعولي الله يحققلي اللي في بالي ويفرج همي وهم كل مهموم ... قولو آمين يا رب​