قالك في طيارة أقلعت .. فبدأ الكابتن يقول خطاب الترحيب بالركاب و كمان الارشادات إللي بنسمعها دايما في بداية الرحلة . وهو بيتكلم فجأة ... قعد يصرخ بصوت عالي ويقول .. يا ساتر يا رب .. معقولة المصيبة دي ؟؟ الركاب سمعوا الكلمتين دول و الطيارة كلها بقت سكوت و صمت و لاحد فتح بقه ... رجع الكابتن للكلام و قال ... معلش أنا آسف يا جماعة أصل المضيفة دلقت علي كباية الشاي و بنطلوني تبهدل من قدام ..قام واحد من الركاب زعق بصوت عالي و قال ... أبوك على أبو بنطلونك ... تعال شوف بنطلوناتنا من قدام و من ورا حصل فيها إيه .. هههههه :d ------------------------------------------------------------------------------------------------------- واحد و هو عالسرير عايز ينام .. دخل عليه أبوه و قاله .... أحلام سعيدة ... رد الواد و قال لأبوه .... و نوال حزينة ...... المهم ... الحمد لله الموضوع إنتهى بتلات غرز في راس الواد بس .... :d ------------------------------------------------------------------------------------------------------ بيقولك أينشتاين قاعد بالطيارة جمب واحد مصري .. فحب أينشتاين إنه يتباهى عالمصري و يضحك عليه .. قام قال للمصري ... إيه رأيك نلعب لعبة ؟؟ أنا أسألك سؤال لو ما عرفتش تجاوبه تديني خمسة دولار .. و إنت تسألني سؤال لو انا ما عرفتش اجاوب أديك 500 دولار ... قاله المصري أوكي ...راح أينشتاين سأل المصري ... جاذبية الأرض إيه سببها ؟؟؟ المصري فكر شوية و راح مطلع محفظته و اعطى أينشتاين 5 دولار .. الدور للمصري يسأل بقا ... قال لأينشتاين .....إيه الحاجة إللي بتطلع عالجبل بتلات رجلين و بتنزل على رجل وحدة ... فكر .. فكر .. فكر ..ماعرفرش ..قام أعطى المصري 500 دولار ... و قال للمصري ... إيه بقا إجاية سؤالك ؟؟؟ قام المصري مطلع محفظته و أعطى إينشتاين 5 دولار ... ههههههههههه ... كبير يا مصري . :d ---------------------------------------------------------------------------------------------------- واحد بالشارع بيتخانق مع وحدة شكلها وحش قوي ... قالت للراجل .. علي الطلاق لو كنت إنت جوزي لأحطلك سم بالقهوة ... قالها ... علي الطلاق لو كنت جوزك لأشربها ... هههههه :d --------------------------------------------------------------------------------------------------- بيقولك تاجر حشيش راح يخطب .. الراجل قاعد مع أبو البنت و بدأو يتعرفوا على بعض . المهم أبو العروس بيسأل تاجر الحشيش بيقوله إنت بتشتغل إيه ؟؟ رد عليه .... أنا فني تكييف .. هههههه إنت يا متكيف ياللي تخلي الناس تكيف ... :d -------------------------------------------------------------------------------------------------- مصري بيسأل أمريكي .... إنت مرتبك كام ؟؟؟ الامريكي قاله .... 1500 دولار أساسي .. و 1000 دولار بدل سفر ..... و 700 دولار بدل خطر ... و 800 دولار بدل غربة ... و بعدها سأل الامريكي المصري و إنت بتاخد كام ؟؟؟؟ المصري قال 700 جنيه .... قاله الامريكي دول بدل إيه ؟؟؟؟ قاله المصري ...... دول بدل ما أشحت ... هههههه :d -------------------------------------------------------------------------------------------------
