اسهل واسرع وجبه كامله - وجبه جمييله جدا وغير مكلفه - وجبات رووووووووعه وتحفه

بسم الله الرحمن الرحيم
السلام عليكم ورحمه الله وبركاته


الى كل اخواتى وحبايبى الحلوين اعضاء وزوار منتدى نجوم مصريه النهارده اختكم وحبيبتكم العسولة داليا جيبالكم مجموعه اكلات ان شاء الله تنال رضاكم وطبعا أحنا بتمر علينا أيام مش بيكون لينا نفس لاى نوع من اللحوم او الاسماك فعشان كده النهارده جيبالكم أكلات حلوه بس مش مكلفه واليكم هذه الاكلات بخطوات سهله وبسيطه وجميله

فوائد هذه الوجبه دى بتحتوى على كل العناصر اللى بيحتاجها الجسم فى اليوم

العدس (بروتينات + دهون )
البطاطس البيوريه (نشويات + املاح )
سلطة البنجر (حديد + سكريات )



1- شوربة العدس

المكونات:-

1/2 كيلو عدس أصفر+حبتين بصل كبير+ا جزره متوسطه+طماطم أو صلصه+ملعقة سمن+ملح +فلفل+ كمون

طريقه التحضير:-

نغسل العدس ونصفيه ونخرط معاه البصل والجزر ونحط الملح والفلفل والكمون ونغطيه بالميه وبعدين نحطه على البوتوجاز بعد ما يستوى هنسيبه يبرد وبعدين بضربه فى الخلاط وأصفيه بالمصفاه وأجهز الحله على البوتوجاز وأحط فيها ملعقة السمن والصلصه أو الطماطم حسب الرغبه وبعدين أصب فوقيها العدس المصفى وبعد التقليب اسيبه يسخن ويقدم معاه خبز محمص و ليمون وبصل أخضر




2- طبق بطاطس بيوريه

المكونات:-
1/2كيلو بطاطس+ملح+ فلفل + نعناع ناشف+ فص توم + ملعقة زيت


طريقه التحضير:-
تقطع البطاطس وتسلق فى مقدار قليل من الماء وملعقة ملح صغيره وبعد اتمام النضج يتم تقشيرها وهرسها بالشوكه ويضاف الثوم والبهارات وتوضع فى طبق التقديم ويرش على الوجه قليل من الزيت




3- سلطة البنجر


المكونات:-
1/2 كيلو بنجر+1/4كوب خل+ملعقه كبيره سكر+ملعقه صغيره ملح


طريقه التحضير:-
يقشر البنجر ويوضع فى قدر قليل من الماء على النار حتى تمام النضج ويتم تجهيز التتبيله فى برطمان
وهى الخل والملح والسكر ونرجهم جيدا وبعدين يصفى البنجر ويوضع فى هذه التتبيله لمدة 1/4 ساعه
ثم يقدم




4- العصير

المكونات:-
كيلو برتقال+نصف كيلو جزر+نصف كوب سكر


طريقه التحضير:-
يتم غسل البرتقال وعصره ويقشر و يسلق الجزر فى مقدار ماء متوسط وبعدين يضرب الجزر بعد انتهاء النضج مع البرتقال والسكر فى الخلاط

بالف هنا وشفا

​