اقوى 10 ماسكات لتبيض البشره والرقبه والجسم-ماسكات رائعه وجميله جدا ومضمونه ومجربه لتبيض البشره بسرغه

السلام عليكم ورحمه الله وبركاته


الى كل اخواتى وحبايبى الحلوين اعضاء وزوار المنتدى النهارده اختكم وحبيبتكم داليا جيبالكم اقوى واسرع 10 ماسكات لتبيض البشره والجسم والرقبه وطبعا كلنا نفسنا بشرتنا تبيض وتنعم وبطريقة طبيعية و ياريت التقشير كل اسبوع او عشرة ايام علشان البشرة تستفاد بالماسك واليكم ماسكات التبيض الطبيعى وبالماسكات الطبيعيه بتفضل البشرة جميلة مش زى الكريمات اللى مفعولها بيروح بعد ما نسيبها


الماسك الاول
معلقة دقيق ابيض ومعلقة زيت زيتون ومعلقة لبن ونص لمونة ويتم فردة على الوجة والرقبة لمدة 20 دقيقة وبعدين نشطفة بالماء الدافى ثم البارد

الماسك الثانى
برغم انة بسيط جدا الا انة نتيجتة تحفة جدا معلقتين لبن بودرة اى نوع ومعلقتين لبن سايل نخلطهم كويس ونفردة على الوجة والرقبة نصف ساعة ونغسلة بالماء الدافى ثم البارد

الماسك الثالت
دة تحفة يا جماعة نصف علبة زبادى بايت وندوب فية قرص اسبرين بعد طحنة الماسك دة بيستخدم فى اكبر مراكز التجميل نفردة نصف ساعة ونشطفة بنفس الطرق السابقة

الماسك الرابع
2 معلقة بودرة جونسون لاطفال ومعلقة مية ورد ومعلقة لبن الماسك دة غير انة بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة

الماسك الخامس
1 بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة

الماسك السادس
نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة

الماسك السابع
معلقة نشا ومعلقة زبادى بايت ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة

الماسك الثامن
معلقة دقيق ومعلقة نشا ومعلقة مية ورد ومعلقة زيت زيتون ومعلقة لبن ونص لمونة الماسك دة كمان تحفة للجسم واى منطقة غامقة نصف ساعة ونشطفة بنفس الطريقة

الماسك التاسع
خيارة ومعلقتين نشا ونص كوب مية ورد ونضربة فى الخلاط ونفردة على الوجة والرقبة نصف ساعة ونشطفة بنفس الطريقة

الماسك العاشر
3ملاعق لوز مطحون نجيب اللوز وننقعة لغاية ماالقشرة تتحاش ونسيبة ينشف وبعدين نطحنة ونعجنة بلبن ونحطة نصف ساعة وبعدين نشطفة بنفس الطريقة ياسلام على الماسك دة تحفة تحفة تحفة بيستخدمة اجمل نجوم السينما الامريكية


نصيحه مهمه جدا الماسك السابع بيجنن

كل الخلطات دي مفيده جداااا وبتظهر نتائج مضمونه بس اللي تختار خلطه تداوم عليها مش كل يوم خلطه شكل اذا داومتي على خلطه واحده شهر بانتظام مما لاشك فيه بتظهر مفعولها الكامل في شهر وقبل الشهر ما يمر كمان بيظهر المفعول لكن اهم شئ الانتظام على خلطه واحده


​

​