طريقة عمل كباب حله بالفراخ تحفة - اجمل واسهل واحلى طريقه لعمل كباب حله بالفراخ -طريقه روووعه

الموضوع في 'اكلات جديدة - وصفات طبخ - Kitchen' بواسطة صور, بتاريخ ‏17 يونيو 2013.

  1. صور

    صور Guest


    السلام عليكم ورحمه الله وبركاته

    الى كل اخواتى وحبايبى الحلوين اعضاء وزوار منتدى نجوم مصريه طبعا كلنا بنخب عمل كباب حله وتعتبر هذه الطريقه من الاكلات اللذيذه والمفضله والمحبوبه لدى المستهلك فعشان كده النهارده اختكم داليا جيبالكم طريقه روعه لعمل كباب حله بس بالفراخ عشان فى ناس كتير ملهاش فى اللحمه واهو تغيير برضه واليكم اجمل واحلى طريقه لعمل كباب حله بالفرخ يارب تنال اعجابكم


    [​IMG]


    المقادير
    نص كيلو فراخ بانيه متقطع + 3 بصلات كبيرة مبقلظة+ 3 فصوص ثوم + سمنة او زيت حسب الرغبة + معلقة صغنن صغيره سكر+ ملح وفلفل وبهارات زى متحبى+ فحمة


    الطريقة
    نحط سمنة فى حلة تيفال عشان الفراخ متلزقش وبعدين ننزل بالفراخ ونعلى النار علشان متنزلش ميه
    ونفضل نقلب لحد مالونها يبقى دهبى وجميل ونحط شويه فلفل بس ملح لاعشان متنزلش ميه ونركنها على جنب ونجيب بقى طاسة امورة كده ونحط السمنة والبصل بس البصل منفرموش ناعم يبقى خشن شويه لما يقرب يصفر نعمل حفرة فى النص ونحط التوم المفروم ومنحطوش من الاول علشان التوم بيتحرق بسرعة و لما التوم يصفر نقلبه على البصل و يا سلااااام على الريحة وبعد كده
    نعمل حفرة كمان فى النص ونحط معلقة السكر وده السر اللى هيميز كباب الحلة بتاعك لحد ما السكر يبقى كراميل ونقلبه مع البصل والتوم ونزود بقى شويه ملح وفلفل وبهارات فى الوقت ده نحط فحمة على النار ونسبها شويه علشان ناخد ريحة وطعم الكبااااب نحط بقى البصل والتوم على الفراخ وعليهم الفحمة وشويه سمنة عليها ونغطى بسرعة علشان الريحة تطلع ونسبها حوالى 10 دقايق بعد كده نزود شويه ميه ونسبها تااااخد سواها براحتها

    بالهنا والشفا

    بس طبعا ممكن تعمليها باللحمة
    وبنفس الطريقة
     
  2. جاري تحميل الصفحة...

    Similar Threads - طريقة عمل كباب في منتدى التاريخ
    طريقة عمل كباب مشوي على الفحم مواضيع حصرية ‏23 فبراير 2021
    طريقة عمل الكباب, اسهل طريقة لعمل الكباب, طريقة الكباب التركي اكلات جديدة - وصفات طبخ - Kitchen ‏22 نوفمبر 2013
    طريقة عمل الكباب بالصور 2025 , تحضير الكباب المشوى فى البيت , اسهل طريقة لعمل الكباب اكلات جديدة - وصفات طبخ - Kitchen ‏8 نوفمبر 2013
    كباب مشوي ، طريقة عمل كباب مشوي ، وصفة كباب مشوي 2025 اكلات جديدة - وصفات طبخ - Kitchen ‏31 أكتوبر 2013
    كباب الحله علي طريقتي , مقادير عمل كباب الحله بالبصل , طريقة عمل كباب الحله بالأرز 2025 اكلات جديدة - وصفات طبخ - Kitchen ‏21 أكتوبر 2013

مشاركة هذه الصفحة