طريقه عمل كفته مشويه فى الفرن تحفه - طريقه جميله وبسيطه وسهله التحضير- كفته على الفحم روووعه

بسم الله الرحمن الرحيم


لكل اخواتى واعزائى اعضاء وزوار منتدى نجوم مصريه والى كل عشاق اكلات الكفته وتعتبر الكفته من الاكلات المحبوبه والمفضله لدى الكبار والصغار فعشان كده جيبالكم طريقه عمل الكفته المشويه فى الفرن يارب تنال اعجابكم



المكونات:-
نص كيلو لحمه مفرومه +2 بصله صغيره او متوسطه + طماطمايه + بقدونس +ملعقه ونص فلفل اسود صغيره + 3 ملاعق ملح صغيره + 3 ملاعق ونص بهارات صغيره


الطريقه :-
نبشر البصل والطماطم ونقطع البقدونس قطع صغيرة ونحط عليهم الملح والفلفل والبهارات ونقلبهم كويس مع بعض وبعد كده ناخد اللحمه المفرومه ونحطها على الخليط ده ونقلبهم كويس مع بعض كده
ونبدأ بقا نصبعهم ونحطهم فى الصينيه وافرشى الصينيه بورق فويل عشان متعذبش فى غسيل الصينيه
وصبعهيم باستخدام ملعقه الاكل لو عندك سيخ يبقى افضل وبعد ما ترصى اللحمه كلها فى الصينيه وطبعا سيبى الفراغ اللى فى النص ده عشان تعرفى تحطى الكوبايه اللى فيها الفحم ويكون قبل كده مسخنه الفرن وتحطى فيها الصينيه وسيبها على نار متوسطه لمده ساعه تقريبا او على حسب فرنك بقا
فى ساعات فرن بتكون ناره عاليه والعكس اما بيكون قدامها زى 5 او 10 دقايق عشان تستوى بكون فى الوقت ده بسخن الفحم على البوتجاز واحط الكوبايه فى وسط الصينيه وفيها شوية زيت مش كتير واحط فى الكوبايه دى الفحم اللى ولعته على البوتجاز وتكونى محضره ورقه فويل اغطى بيها الصينيه عشان ريحه الفحم تكون فى اللحمه لانه بيدبها طعم تحفــــــــــــــــــه كأنك شوياها على شوايه فحم بالظبط واسيبهم مع بعض حوالى 10 دقايق كده و اطلعهم بقا من الفرن وافضيهم فى الطبق
وقدمى بقدونس كفرش للحمه على الطبق وزوقيه بحلقات الشيبسى واعملى سلطه طحينه




​