عصير الجرجير لتطويل للشعر - خلطه رائعه وممتازه عن تجربتى الشخصيه لتطويل شعرى

بسم الله الرحمن الرحيم
السلام عليكم ورحمه الله وبركاته

الى كل اخواتى وحبايبى الحلوين اعضاء وزوار منتدى نجوم مصريه والى كل الذين يعانون من شعرهم النهارده اختكم وحبيبتكم العسولة داليا جيبالكم خلطه رهيبه عن عصير الجرجير لتطويل الشعر واليكم هذه الخلطه السحريه يارب تنال اعجابكم



عصير الجرجير رائع جدا للشعر ويطوله بسرعة
وانا مجرباه بعد ان قالت لي عنه واحدة انه شعر بنتها لحد ركبتها منه وفعلا استعملته فترة ووصل لآخر ظهري و كنت بعمله يوم ويوم وكنت بعمله بمية الجرجير بعد عصره من الخلاط مش بالعجينة اللي طلعت لا بالعصير بتاعها

وطريقتي كالآتي:
اغسلي شعرك بالشامبو بس
وبعدين هاتي عصير الجرجير ده واعملي بيه شعرك كويس الاطراف والجذور وكله وخلاص سيبيه ينشف ولما ينشف ممكن تنامي بيه عادي انا كنت بنام بيه لأن كده احسن بس خدي بالك من البلوزة اللي انتي لابساها لحد ما ينشف عشان ما يبهدلهاش وبعدين اغسليه ببلسم عادي لأنك غسلتيه بشامبو الأول .. والجرجير كان بس ميه لو لاحظتي ان شعرك جاف او ناشف عادي هو الجرجير تحسي انه ينشفه شوية بس اول ما تغسليه خلاص لكن لو انتي اصلا شعرك جاف ممكن تحطي زيت زيتون زي ما بيقولولك البنات بس انا ما جربتوش بزيت الزيتون الصراحة انا كنت بعد ما بغسل شعري بالبلسم بحط زيت خروع والف شعري بفوطة ساخنة جدا واكررها اربع مرات عشان التكثيف
وبعدين اغسل شعري تاني وزي ما بقوللك كنت بعملها يوم ويوم والحمد لله النتايج بانت بأسرع ما توقعت

​