شوى فرخة بأربع نكهات، مذاق ألذ ،وصفات 2025

شوى فرخة بأربع نكهات، مذاق ألذ ،وصفات 2025





ونفتحها كويس وانا بحطها في كيس وبدق عليها بحاجه تقيله عشان تنفرد كويس واعمل بالسكينه شقوق عميقه وادعكها كلها بملح وليمون وهابدأ احشيها في الشقوق بس كل ربع من الفرخه هاحشيه بنكهه مختلفه اول ربع حشيته بتوم مفروم وطماطم

والتاني بدبس الرمان ازازته اللي باينه في الصوره فوق مع بابريكا والتالت شطه يامعلم والرابع توابل شوي مخلوطه بتيجي علي بعضها ليه بقي ؟
الفكره هي ان كل واحد في العيله بيحب حاجه التاني مش بيحبها واحد بيحب التوم وواحد لا واحد بيحب الشطه وواحد لا وطبعا الاطفال صعب عليهم وواحد بيحب مزازه دبس الرمان والتاني بيقول ايه دبس الرمان ده ههههه وفي النهايه هي الحجه فرخه مش اكتر عشان كده حشينا كل ربع حاجه وهي لسه ماسكه بعضها وندخلها الفرن تحت الشوااااايه ونقلبها في نصف المده بتاخد تقريبا ساعه

نقول كماااااان

عملت معاها رز هندي بالزعفران هههه طبعا مش زعفران لانه غالي جدا بس في حاجه اسمها لون الزعفران ومش غاليه
في البدايه هابشر بصله وجزره ومعلقه زيت وحطيت معاهم رقبه الفرخه عشان تدي طعم لان مفيش شوربه

واقلب تقليبتين وانزل بالرز واللومي والقرفه وتوابل الكبسه

اضبط ملح وانزل بالميه كل كوب رز له كوبين ميه ولما الميه تتشرب اجيب نصف معلقه من لون الزعفران ده واحطها في جنب واغطي

خمس دقايق واطفي وبعدين اقلب الجزء اللي فيه لون الزعفران مع نصف كميه الرز وبعدين كله علي بعضه فيبقي حبه وحبه

ماشاء الله يتاكل لوحده


وده الرز والفراخ مجتمعين

ومن زاويه اخري

​