قصة عشاق على ساحة القدر ، قصة شبه واقعية ، من اجمل ما قرأت 2025

قصة عشاق على ساحة القدر ، قصة شبه واقعية ، من اجمل ما قرأت 2025
قصة عشاق على ساحة القدر ، قصة شبه واقعية ، من اجمل ما قرأت 2025




قصة عشق جميلة حبيت انكوا تقروها ويارب تعجبكوا جميعا




رواية شبه واقعية ابطالها عاشو احداثها ولا يعلمون مايخبأه القدر لهم
هم مجرد عشاق على ساحة القدر .
البارت الأول :
فيالرياض وبالتحديد ببيت ابو ياسر
سارة : غويش وينها ساعتي تركتها هنا .
غاليه تكحل عينها : وش دراني اغراضك بكل مكان وتلوميني لاضاعت !
ام فهد دخلت وبيدها البخور: وش هالصراخ من الصبح انتم مايمر يوم الا ومتهاوشين علىالأقل بس اليوم بيرجع ابوكم من المغرب .
غاليه بصوت واطي : ايه ودي اتشقق من الفرحة ( تتمسخر )
ام فهد : وش قلتي ؟
سارة تناظر اختها بعتب : تكلمني ماعليك منها .
غاليه طنشتهم وطلعت الحوش .
عائلة ابو ياسر : متزوج حرمتين الأولى انتحرت ومايدرون وش السبب لليوم
وهو تاجر معروف سمعته بكل احياء الرياض وغيرها عنده 3 عيال و3بنات من زوجته الأولىوبنتين وولد من زوجته الثانيه ( ام فهد ) .
ام فهد : ام حنونة بس عصبيتها تغلب على طابعها الحنون احيانا تحب النظام والترتيبواهم شي عندها عيالها بعدين هي .
ياسر : أكبر عيال الأب من الزوجة الأولى عمره 34 متزوج بنت عمه وعنده بنت وولد (يارا – هاشم ) طويل اسمر ملامحه حادة وحلوة .
رهف : متزوجة وعندها ولدين ( حسان – محمد ) وساكنة بجازان بس تزورهم بالإجازاتلأنها تدرس انقلش هناك بدون عيالها وزوجها طبعا .
اسماء : عمرها 35 متخرجة من الجامعة بس ماحصلت وظيفه تشبه اختها من ابوها غاليهكثير خاصة بالتصرفات متزوجه وعندها ولد ( خالد ) .
هشام : عمره 29اقرب واحد لغاليه وتحبهبشكل كبير واكثر من حبها لأبوها ومتزوج بس ماعنده اولاد ويعتبر غاليه بنته طويلسماره مو مره رموشه كثيره ومن كثرتها تبان عيونه كأنها مكحلة .
نادية : الكل يقول عنها توأم سارة عمرها 21 بس ملامحها وتصرفاتها وكل شي مثل سارة آخرسنة بالجامعة تبي تشتغل ببنك .
ريان : عمره 19 أجمل واحد من العيال شعره كثيف ودايم يرفعه بتاج اسمر عيونه حلوةطويل وعنده تفاحة آدم .

غاليه : عمرها 17 قصيرة شوي بس حلو طولها جسمها حلو وعيونها وساع
شفايفها صغار وبيضا شعرها لآخر ظهرها واسود حلو على بياضها .
سارة : عمرها 13 بس شوي وتاصل لطول غاليه شعرها بوي بيضا وعيونها ناعسه ودايميقولون عنها وزغة لأنها نحيييفة مره .
فهد : اصغر واحد عمره 6 سنوات مايشبه اخوانه ابد دلوع ومزعج تربية غاليه مثلمايقولون .
ام فهد عندها بنت من زوجها الأول بسماتدري عنها .
نرجع لغاليه .
سمعت صوت احد نازل الحوش .
ريان : غاليه بسم الله الرحمن ! وش مطلعك مع هالصبح ؟
غاليه: بتنفس وي ! روح كمل شغلك ومالك خص فيني !
ريان: وانا قلت شي ؟ اكلتيني اكل بس سألت .
( طنشها وطلع ركب سيارته وراح )
غاليه : ( اوف بس متى يرجع هشام * ساكن بينبع ويشتغل هناك * ).
دخلت البيت وشافت ابوها توه جالس واخوانها حوله وامها .
ابو ياسر : هلا والله بغاليه ماسلمتي تعالي .
غاليه كارهة نفسها بس سلمت : وماعلمتنا ليه رايح للمغرب ؟
ابو ياسر ارتبك : اشغال بغيت اخلصها وهانت الحمدالله .
غاليه وحطت رجل على رجل : ايه قلت اشغال ماشاءالله .
ياسر : غاليه عيب عليك تكلمين ابوك بالطريقة هذي !
غاليه رايحة لغرفتها : كأني قلت شي غلط مرضى !
ام فهد : لاحول ولاقوة مدري متى هالبنت تعقل .
اسماء: هالفترة لازم تصير كذا تعرفين موت اخوك ولد خالها مو سهل وكانت تعتبرهاخوها الصغير ومتعلقة فيه .
ابو ياسر بخوف من بنته : الله يهديها .
غاليه بغرفتها تكلم ايلاف بنت عمها: هههههههههه على باله غبيه ما ادري عن شي ودياعلمه اني مدركة الوضع هنا الله ياخذه بس .
ايلاف : هيه هذا ابوك مهما كان لاتدعين عليه .
غاليه : اصه انتي الثانية قالت ابو , ابوي اسمه سالم ومات من زمان الله يرحمه هذاياكل تبن .
ايلاف يأست منها : خلاص طيب متى راح تعلميه انك عرفتي ؟
غاليه بخبث : خليه على اعصابه كذا بعدين اعلمه .
( نرجع قبل شهرين وش صار مع ابو ياسر وغاليه )
ابو ياسربمكتبه : خلاص انا الأسبوع الجاي بالمغرب ابغى كل شي املكه من تجارتي هذيتكتبها بإسم ياسر هو الوحيد اللي ياخذها اكيد راح يعطي اخوانه بس عيال ام فهد مااعتقد – عساهم بالشغلة مايهمني وش وضعهم وكيف راح يكون عندهم امهم شركة كاملةتملكها ومافكرت تعطيني ريال كله لعيالها اللي مدري كيف جبتهم منها – ياشيخ بلاحرام لو بيدي ذبحتهم خاصة غاليه بنت ابليس مب بنتي كلهم فيهم طبع اهل امهم المكر
خلاص ان شاءالله يا ابو احمد جهز الأوراق بس .
غاليه واقفة عند الباب وبيدها قهوة توقعت ابوها تعبان بسبب اشغاله بس انصدمت لمنسمعت هالكلام .
غاليه تصر اسنانها وبصوت واطي : هين يوسفوه انا بنت ابليس اعلمك مين بنت ابليس .
قطعت افكارها سارة : غاااااااااااااااااااااااااااليييييييييييييه !!
غاليه نقزت : وجعع ليه تصارخين كذا كأني بوادي وانتي بوداي !
سارة : انا ادري عنك ؟ انادي عليك ومسرحة , قومي بنروح لأعمامي مسوين عزيمة .
غاليه تصارخ : ليه يادنيا ليه .
هشام : وش فيها الدنيا على غلوشتي ؟
غاليه فزت من السرير : هششششششششاام ( تضمه )
سارة تناظر دولابها : لاخلصت من الست غاليه علمني عشان اسلم .
هشام يضحك : افا وانا انشغل عن سوير حبيبتي ؟
غاليه تتصنع الزعل : ايه وانا انتظرك من الفجر بالآخير تروح لسوير ذي !
سارة تتكتف : لا ؟ وان شاءالله مب عاجبتك ؟ روحي بس انتي واخوك بلبس هشام يبتسمبحنان لأخواته : وانتم باقي على الهواش اعقلو
غاليه وسارة : خليها تفهم .
هشام يضحك وسحب غاليه وراحو الصالة وسوالفمع اخوانها وابوها نايم يرتاح من السفر .