أنت الردت ننسى أشلون جاي أتلوم ، أنت الردت ننسى

أنت الردت ننسى​

​

أنت الردت ننسى أشلون جاي أتلوم

صحيت وداعــتـك وتـنـدمـت كـافـي

آنه ليل الشمس ماثـبـت بيه الـنـور

شجاني أتقشمرت بهلالك الطافي

أجي بحظني الجمر حظنك جليد الكاه

وكاسرهن وأكلك حظنك الدافي

خيل بوسط مايك عالجروف أذياب

وخوف أيخوطن شيرده الك صافي

سيع أسنين أعالج ويه كلمة روح

أطلعت من كلبي كوه أتعنت أجتافي

سبع أسنين يله أتعدت الدلال

بعد جم سبعه خاطر توصل أشفافي

وحقك ماتصدك شنهي سبع أسنين

حيل هواي هذا الشوك متحسه

كلش سهله عندك ماتكلف أسنين

وره كلمة حبيبي اتكلي كافي أنسه

ردت بر الآمان من أبحرت وياك

وضنيت الآمان أجفوفك أتحرسه

وبر العطش مجذافي ذره أتراب

ثاريك أطلعت صحراء مو مرسه

كبل واعدني كلبي أنساه عرس سويت

وجذب ردلك اودع عزته ونفسه

اولا معزوم أجه وماعاتبتهم عيب

شعتب والكلب ماحاضر بعرسه

أني أعرف الملكه الصدر والذرعان

وآنه أتلكاني ضهرك من الك رديت

وكلت ما يدري يمكن صحت هاااا ... يصباي

الكبلك صد عليه وأنته ماصديت

ومو هذا الهضمني الشفته واذه الروح

وره ظهري العواذل لمن أنداريت

ومافاد التبسبس كاموا أيصيحون

ومتندم أمدنك ليش مارديت

بعد خطوات بيتي ومن ضحكهم زاد

أحس بعد النجم يبعد عليه البيت

عشرتنه أنتهت حيل أشتهت تابوت

بقت عدله صدك بس مات بيها أحساس

وذاك ازماطنه الفشله التبدت بي

مثل فشلت الحضره الماتجيهه الناس

مثل شفة رخيصه وتيهاهه الليل

متحس بالحنان بكثر ماتنباس

تجي محملي صوغه الآه والياويل

وتروح مخلي يمي القلق والوهواس

وهذا الشيب الابيض ماطلع بجفاك

وآنه أنضر صدمتك طلع شيب الراس



للــمــبــدع أبــــو فــتـــيـان ​