جيتك .. على كف المودة .. رســالة جيتك على سمع الهوى صوت عصفور جيتك .. وانا عاشقك .. حد الثمــالة خمر الهوى ما يشبهه سكر وخمــور جيتك .. نهر يروي عروقـــــك زلاله جيتك .. شعر من قوته ينبض شعور جيتك .. سحــاب .. تستظل بظـــلاله وان مر قلبك .. صار بالود ممطور جيتك .. غريب تارك اهله .. وماله عنده شقا نفسه .. ولا قلب مكسور جيتك .. غــريق ..اتقطعت به حباله يغرق وسط فنجان .. ويعوم ف بحور جيتك .. بطل .. ما ينثني للبطــــــالة تلقاه وقت الضيق .. حاضر وله دور جيتك .. يتيم زاد همــه .. وشاله وان ما بغى فالرد ؛ (ماني بمجبور) واذا انتخى خــاله .. سند ظهر خاله وان صاحوا الجـيران لبى على الفور اذا اعجبه دنــدون .. يرفع عقـــاله وان ماعجبه عافه وله عيب مستور واذا زعل .. يجلس بهمه .. لحــاله واذا رضي ..يرضي المخاليق بالدور جيتك .. مدور لي عسل من نحــاله لكن عسل .. عن غير راعيه محذور ياللي معـــــــــــذبني .. برقـــة دلاله لبى غرور الضبي .. لو كان مغرور في الصبح يطلع لي الامل في جماله والليل يمـــــــلا ليل الاحساس بالنور له حق يتبتخر .. ويظهر .. خصاله وهو من اول .. داخل القلب محفور اللي يصبح به .. فيا طيب فـــــــاله واللي يمسي بشوفته .. بات مسرور لبيــــه ياضبي الفـــــــلا .. يا غزالة لبيه يا بـــــــدر كسر عنق .. ديجور جيتك .. على كف المودة .. رســالة جيتك على سمع الهوى صوت عصفور
