طريقة عمل الكوارع 2025 , اسهل طريقة لعمل الكوارع , طريقة تحضير الكوارع بالصور جبتلكو النهارده بقى اكله مصرية شعبية جامده وهى الكوااااارع وطريقة سهلة كده لعمايلها فى البيت وبالصور كممان المقادير: ١- فردة كوارع ٢- بصل - جزر ٣- كرفس - كرات ٤- حبهان - مستكة ٥- ثوم - ورق لاورو ٦- فلفل أسود حب - ملح ٧- قرنفل ( مسمار) - قرفة خشب ٨- أعشاب - جوزة الطيب ٩- طماطم بيوريه - جنزبيل الطريقة: ١- تغسل الكوارع بالدقيق والملح والخل جيدا ثم نضع عليها الخل و شرائح الليمون . ٢- نضع اناء به ماء يغلي علي النار جيدا ونضيف عليها حبهان وورق لاورو+ ٢ فص ثوم صحيح + بصلة مقطعة ٤ + جزرة مقطعة ٤ + عود كرفس + عود كرات + زعتر+ فلفل حب + ملح + فص مستكة صغير . ٣- نترك الماء يغلي علي النار لمدة دقيقتين ثم نضع عليها الكوارع وتترك لتغلي غلوتين أو ثلاثة . ٤- نحضر اناء آخر به ماء مغلي ونضع فيه حبهان وورق لاورو + مستكة + فلفل حب + ملح + عود قرفة خشب يتم تكسيره + عود قرنفل +4 فصوص ثوم صحيح + زعتر+ جوزة الطيب + عود كرفس + عود كرات + بصلة مقطعة ٤ قطع + جزرة مقطعة . ٥- يترك الماء المغلي المضاف اليه كل التوابل ( البوكيه جارنيه )علي النار لمدة دقيقتين ثم نضع عليها الكوارع بعد نشلها من الاناء الآخر حتي اكتمال نضجها . ٦- نعرف تمام النضج يانفصال اللحم عن العظم . ٧- يكسر رغيف عيش بلدي أو أي خبز آخر ويحمر مع ملعقة زبدة ورشة ملح مع رشة كمون وفص ثوم مفروم . ٨- نسخن الطاسة ونضع فيها ملعقة سمن ونضيف الثوم المفروم مع رشة خفيفة كسبرة ناعمة وبقلب حتي يذبل الثوم و نضيف ٢ ملعقة خل ثم الطماطم المضروبة في الخلاط حوالي ثمرتين + نصف كوب ماء ثم الملح والكمون ونتركهاعلي النار حتي تتسبك . ٩- نضيف ٢ ملعقة من الصلصة المسبكة علي العيش المحمر ويقلب ثم نضيف عليه شوربة الكوارع ويترك جانبا لمدة بسيطة كي يتشرب من الشوربة . ١٠- نغطي طبق الفتة بالأرز الأبيض ونضيف الصلصة فوق الأرز . ١١- تضيف للكوارع بعد تصفيتها من الشوربة ملعقة طماطم بيوريه ورشة ملح ورشة كمون وملعقة سمن وتحمر في الفرن . ١٢- بعد التحمير ترص الكوارع فوق الفتة وتقدم ساخنة .
