الموضوع ده لكل ست عندها فرن كهربائي وبتعاني من عدم نضافته وانه عالطول متسخ من اثار الاكل المطبوخ فيه وانه لزق هاقولك على طريقه سهله وغير مكلفه وهاتريحك وهاتخليكي تنضفيه عالطول بدل ماتكسلي من وساخته. اولا هاتجيبي خل وليفه وماء, هاتحطي الماء وعليه كوب صغير خل وتحطيه على الاماكن المتسخه في الفرن وتسيبيه لمدة ربع ساعه كده وبعدين تجيبي اللليفه وتبدأي في نظافته وتدعكيه كويس وبعد ماتخلصي هاتي فوطه مبلوله بماء وتمسحيه كويس وبعدين تمسحي من بره كمان. وهاقولك كمان ازاي تنضفي الزجاج بتاع الفرن. هاتجيبي ملعقه خميره وربع كوب خل, هاتخلطيهم ببعض وبعدين تجيبي ليفه وتبدأي تنضفي الزجاج وبعدين تمسحيه بفوطه مبلوله بماء. وبكده تكوني نضفتي الفرن من بره وجوه وبعد كل اكله كمان وبكل سهوله وبساطه
