طريقة عمل توست الكوردن بلو بالصور 2024 , خطوات اعداد توست الكوردن بلو المقرمش , تحضير توست الكوردن بلو بالصور هنعمل النهارده اكلة جامده جدا ولذيذة جددددددا وهى توست الكوردن بلو المقرمش وياسلام بقى مع شوية بطاطس محمرة كده والكاتشب تبقى ايييه المقادير كوب فراخ مقطعة مكعبات ½ كوب سوسيس مقطع مكعبات ¼ كوب شبت مقطع لقطع صغيرة ½ كوب بصل مقطع مكعبات ¼ كيلو جبنة رومي مبشور 2 ملعقة كبيرة بقسماط 3 ملعقة كبيرة زبدة ملعقة صغيرة مستردة ¼ ملعقة صغيرة زعتر 2 ملعقة كبيرة دقيق ملح وفلفل أسود ½ كوب لبن فلفل أحمر الطريقة 1- سيحي ملعقة زبدة على النار وقلبي فيها البقسماط وسيبيه على جنب، وبعد كده سيحي باقي الزبدة وشوحي فيها السوسيس والبصل والزعتر، وبعد كده ضيفي عليهم الدقيق وقلبيهم مع بعض على النار لمدة 3 دقائق. 2- ارفعي الخليط من على النار وضيفي عليه اللبن، وبعد كده حطيه على النار مرة تانية، وقلبيهم مع بعض لحد ما الخليط يغلي. 3- ارفعي الخليط من على النار وضيفي عليه الجبنة وقلبيهم كويس مع بعض، لحد ما الخليط يكون متماسك والجبنة تسيح في الخليط، بعد كده ضيفي الفلفل الأسود والفلفل الأحمر والملح والمستردة، واستمري في التقليب لحد ما الخليط يتجانس، وبعد كده ضيفي عليه الفراخ والشبت وقلبيهم مع بعض وسيبيهم على جنب. 4- هاتي 4 شرائح توست وادهنيهم بطبقة زبدة من على الوش وبعد كده اقلبي التوست على الوش التاني، بحيث يكون الوش المدهون بالزبدة هو اللي من تحت، بعد كده افردي شوية من الخليط على التوست وضيفي عليه طبقة من البقسماط المخلوط مع الزبدة، وفي الآخر حطي طبقة من الجبنة الرومي المبشورة ورشة فلفل أحمر، وكرري نفس الخطوة مع باقي شرائح التوست. 5- حطي التوست في صينية ودخليه الفرن لمدة من 15 : 20 دقيقة، وبعد كده طلعيه وسيبيه يبرد شوية، وبعد كده قدميه.. وبالهنا والشفا.
رد: طريقة عمل توست الكوردن بلو بالصور 2024 , خطوات اعداد توست الكوردن بلو المقرمش , تحضير توست الكوردن بلو بالصور طريقة تحضير الوردن بلو
